Page 13 - A Rotinonhsyón:ni Representation of the Ethical Standards for the Teaching Profession

ONTARIO COLLEGE OF TEACHERS
water. In the most basic terms, we can blend our tools with care, as we walk forward, together.
Artist Elizabeth Doxtater
Artist’s Statement – Ethical Standard of Care
Mohawk Translation - Kaya’takenhà:tshera Nikarihó:ten
Yerahstányons Akowén:na:
Kaya’takenhà:tshera wá:tonhs ne ronteweyà:tha ahatirihwatshén:ri’ tsi nahò:ten ratiweyén:te. Shakotirihonnyén:nis enhoti’nikonrahní:rate’ tsi énhonste’ ne ka’nikonhrí:yo tsi thotiyó’tens.
Wahonnise’kénha’, kanatakonhró:nen wahshakotiya’takénha’ tsi ronnehyaróntye’s ne ratiksa’okón:’a. Sénha nithotí:yens nè:ne shakotirihonnyén:nis. Wahshakotiyé:nawa’se’ ahatitshén:ri’ ne ratiksa’okón:’a tsi nahò:ten ratiweyén:te.
Tsi nihá:ti nè:ne aonhá:’a thonttó:kas wahshakonátken’se’ ne eksa’okón:’a tsi ní:yoht tsi yoyá:nere ahotiyé:nawa’se’ tsi tkaná:takon. Wahonhkwíhshron’ ne káti ne’e aonhá:’a kanatanonhstá:ton enkénheke’. Étho wahshakotiríhon’ ratikwé:kon ne eksa’okón:’a ahoti’nikonhriyóhake’.
Ne ó:nen rona’therón:nis, ne’e aonhá:’a tkayentí:yo enhatirá:ko’ á:hontste’. Skennén:’a ní:yoht táhnon karì:wehs ahontatyé:nawa’se’ ne káti wa’theranó:ronhs ahotiyén:take’. Étho ní:yoht ne kanatakonhró:nen niwa’therò:ten niya’tekaná:take.
Tsyeyà:ta akoksténha í:yen’s ne kí:ken kayàtare. Yenenhstóhares ne o’kèn:ra ne káti ayekhón:ni’. Tsi tkayenthóhseron nikahá:wi tsi niyó:re tenyontskà:hon’. Niya’teyorì:wake yorihowá:nen ne káhkwa ayerò:roke’.
Étho naháyere’ ne kanatakonhró:non ne káti ashakotiya’takénha’ ne á:se enthatikonhsontóntye’.
Kí:ken kayàtare wathró:ris ne’e tekarihwayehstón: yenenhstoharehtahkwa yóntstha nek tsi ó:ni ki yóntstha ne kanà:tsyonk nè:ne karíhstatsi yonyà:ton (nè:ne yá:wet ne o’tá:ra’). Sok wá:tonhs ne áetewatste’ tetsyá:ron yontstáhkwa, nè:ne onkwehonwe’néha táhnon ó:ya nihononhwentsyò:tens.
A Rotinonhsyón:ni Representation of the Ethical Standards for the Teaching Profession
9